بہوجن سماج پارٹی کی سربراہ مایاوتی نے ہاتھرس معاملہ کی سی بی آئی تحقیقات کا مطالبہ کیا ہے۔ اس کے ساتھ ہی مایاوتی نے ملک کے صدر رام ناتھ کووند سے بھی اس معاملے میں مداخلت کرنے کو کہا ہے۔
ہاتھرس معاملہ: مایاوتی نے سی بی آئی جانچ کا مطالبہ کیا
بہوجن سماج پارٹی کی سربراہ مایاوتی نے ٹویٹ کیا ہے کہ ہاتھرس معاملہ کو لیکر پورے ملک میں شدید ناراضگی ہے، اس معاملہ کی ابتدائی جانچ سے عوام مطمئن نہیں ہے۔
بی ایس پی سربراہ مایاوتی
بی ایس پی سربراہ مایاوتی نے ٹویٹ کیا ہے کہ ہاتھرس معاملہ کو لیکر پورے ملک میں شدید ناراضگی ہے، اس معاملہ کی ابتدائی جانچ سے عوام مطمئن نہیں ہے، لہذا اس معاملے کی تحقیقات سی بی آئی کے ذریعہ یا سپریم کورٹ کی نگرانی میں کی جانی چاہئے۔
مایاوتی نے اپنے ٹویٹ میں مزید لکھا ہے کہ ملک کے صدر کا تعلق بھی اترپردیش سے ہے، دلت ہونے کے باعث ان سے بھی سخت اپیل کی گئی ہے کہ وہ اس معاملے میں مداخلت کریں، خاص طور پر حکومت کے غیر انسانی رویے کے پیش نظر متاثرہ افراد کے اہل خانہ کو انصاف دلائیں۔