برطانوی دور میں بنی اس پائپ لائن سے نہ جانے کتنے مکانات، دکانوں کی دیواروں اور چھتوں میں دراڑ پڑ گئی ہے۔ اتنا ہی نہیں، تاریخی شاہی جامع مسجد بھی اس سے متاثر ہوئی ہے۔
برطانوی دور کی پانی کی لائن سے اب بھی پانی کی فراہمی جاری ہے۔ یہ پائپ لائن لوہے کی ہے جو زنگ لگنے کی وجہ سے خستہ ہوتی جا رہی ہے۔ پائپوں میں جگہ جگہ رساؤ ہو رہا ہے جس کی وجہ سے گندا پانی بھی آتا ہے۔ پانی کے رساو کی وجہ سے مختلف مقامات پر زمین دھنس رہی ہے اور مکانوں میں دراڑیں پڑ رہی ہیں۔
علاقے کے لوگوں کو ہمیشہ دھڑکا لگا رہتا ہے کہ کہیں چھت ان کے اوپر نہ آ گرے۔ مقامی لوگوں کی لاکھ شکایتوں کے باوجود انتظامیہ اور علیگڑھ بلدیہ توجہ نہیں دے رہی ہے۔ مقامی لوگوں کا مطالبہ ہے کہ اس نقصان کے لیے ہمیں معاوضہ دیا جائے، ورنہ مجبور ہو کر اب ہمیں عدالت کا دروازہ کھٹکھٹانا پڑے گا۔
برطانوی دور کی پانی پائپ لائن لوگوں کے لیے پریشانی کا سبب بن گئی علاقے کے اس خوف ناک منظر کو دیکھنے کے بعد یہ کہنا بے جا نہیں ہوگا کہ ضلع انتظامیہ اور علی گڑھ بلدیہ نے اگر بَر وقت کوئی قدم نہیں اٹھایا تو کبھی بھی کوئی حادثہ پیش آسکتا ہے۔
برطانوی دور کی پانی پائپ لائن لوگوں کے لیے پریشانی کا سبب بن گئی مقامی لوگوں کا کہنا ہے لاکھ شکایتوں کے باوجود علی گڑھ نگر نگم اور انتظامیہ نہیں سن رہا، ہمیں معاوضہ دیا جائے، ورنہ مجبور ہو کر اب ہمیں عدالت کا دروازہ کھٹکھٹانا ہوگا۔
مکان مالک شکیل احمد نے خصوصی گفتگو میں بتایا کہ برطانوی زمانے کی پانی کی لائن ہے جہاں سے پانی رس رہا ہے اور بھی مکانات ہیں یہاں جن میں دراڑ پڑ رہی ہے۔ کبھی کبھی بہت ڈر لگتا ہے کہیں ایسا نہ ہو جائے کہ یہ ہمارے اوپر گر جائیں، میں اکیلا یہاں سوتا ہوں۔ پائپ لائن پھٹ گئی ہےکبھی کبھی گندا پانی آتا ہے نالی کا، ہم نے کئی مرتبہ شکایت کی ہے مگر کوئی سنتا نہیں ہے۔
برطانوی دور کی پانی پائپ لائن لوگوں کے لیے پریشانی کا سبب بن گئی سماجی کارکن گلزار احمد نے بتایا کہ مکان کے ساتھ ساتھ شاہی جامع مسجد بھی پھٹ رہی ہے اس کی کئی مرتبہ مرمت کرائی ہے۔ گلزار احمد نے مزید بتایا یہاں موجود انگریزوں کی زمانے کی جو پائپ لائن ہے جس کی مدت ختم ہو چکی ہے۔
علی گڑھ کی شاہی جامع مسجد مزید پڑھیں:
گلزار احمد نے کہا معذرت کے ساتھ عرض کر رہا ہوں اگر اس پر توجہ نہیں دی گئی تو اللہ نہ کرے کوئی جانی نقصان ہو جائے تو اس کا کون ذمہ دار ہوگا۔ ابھی تک اس پر کوئی غور کرنے کو تیار نہیں ہو رہا۔ ہم ہاؤس ٹیکس دیتے ہیں، اپنے مکانات کی چھتیں اور نالی کا ٹیکس دیتے ہیں تو اگر نگر نگم کی وجہ سے کوئی ایسی پریشانی آرہی ہے تو ہم معاوضے کے بھی حقدار ہیں۔ ہمیں معاوضہ دیا جائے ورنہ ہم کورٹ کا دروازہ کھٹکھٹانے پر مجبور ہوں گے۔
