اترپردیش: وزیر قانون کی حزب مخالف پر نکتہ چینی

ریاست اترپردیش کے بہرائچ میں برجیش پاٹھک نے شہریت ترمیمی ایکٹ کے خلاف جاری مظاہروں پر سخت رد عمل ظاہر کیا ہے۔

انہوں نے کہا کہ 'پریوار واد پرائیویٹ لمیٹیڈ کمپنی چلانے والے لوگ پوری ریاست میں تشدد کا ارتکاب کرنے میں مصروف ہیں۔'

ریاستی وزیر قانون بریجش پاٹھک نے سی اے اے کے خلاف ہوئے تشدد بھرے مظاہروں کے لئے اپوزیشن جماعتوں کو نشانہ بناتے ہوئے کہا کہ 'سماج واد (سوشلزم) کے نام پر 'پریوار واد (فیملیزم)' پرائیویٹ لمیٹڈ کمپنی چلانے والے لوگ لوہیا کے خوابوں کو قتل کر پوری ریاست میں تشدد کا ارتکاب کرنے میں مصروف ہیں۔'