تین نوجوانوں کی لاشیں ان کے گاؤں پہنچی تو گاؤں کے ہر فرد کی آنکھوں میں آنسو تھے۔ گذشتہ رات ان تینوں کی لاشوں کی آخری رسومات ادا کر دی گئیں۔
دہلی آتشزدگی میں ہلاک نوجوانوں کی لاشیں مرادآباد پہنچیں، دیکھیں ویڈیو اسی دوران افسر نے تینوں جاں بحق افراد کو مناسب معاوضہ دینے کی یقین دہانی کرائی ہے۔
اتوار کے روز دہلی کے فلمستان کے علاقے میں صبح سویرے ایک زبردست آگ میں مرادآباد سے تعلق رکھنے والے تین نوجوان جاں بحق ہوگئے تھے۔
ہلاک ہونے والے تینوں افراد ضلع کے چجلات تھانہ علاقہ میں گاؤں کوری راول کے رہائشی تھے۔ ان میں سے عمران اور اکرام بھائی تھے، جبکہ تیسرا سمیر ان کا پڑوسی تھا۔
پوسٹ مارٹم کے بعد پولیس نے تینوں لاشوں کو ان کے اہل خانہ کے حوالے کردیا۔
عمران اور اکرام کی لاشیں ایک ساتھ گاؤں پہنچ گئیں۔ سمیر کی میت شام ساڑھے سات بجے کے قریب پہنچی۔ اس کے بعد لاشوں کی تدفین کی تیاریاں شروع ہوگئیں، گذشتہ رات تینوں لاشوں کا آخری رسوم کردیا گیا۔اس دوران پولیس اور انتظامی حکام بھی حاضر رہے۔
