بارہ بنکی: سالگرہ کے موقع پر خون کا عطیہ

بنکی کے سماجی کارکن فراز احمد خان اپنی سالگرہ کے موقع پر خون کا عطیہ کیا۔ اس موقع پر انہوں نے کہا کہ وہ عوام کو پیغام دینا چاہتے ہیں کہ خون کا عطیہ کر کے دوسروں کی جان بچانے کی کوشش کرنی چاہئے۔'

اتر پردیش کے بارہ بنکی میں سماجی کارکن فراز احمد خان نے اپنے سالگرہ کے موقع پر بلڈ ڈونیشن کیمپ کا انعقاد کیا۔

کیمپ میں فراز احمد خان سمیت درجنوں افراد نے خون کا عطیہ کیا۔

اس موقع پر فراز احمد خان نے کہا کہ 'سالگرہ پر خون کا عطیہ کر کے وہ عوام کو پیغام دینا چاہتے ہیں کہ لوگ ایسے خاص مواقع پر خون کا عطیہ کر کے لوگوں کی جان بچانے کی کوشش کریں۔'

واضح رہے کہ سماجی کاموں سے جڑے رہنے والے فراز احمد خان گزشتہ 5 برسوں سے اپنی اور اپنی اہلیہ کی سالگرہ کے موقع پر خون عطیہ کیمب کا انعقاد کرتے آ رہے ہیں۔

ہفتہ کے روز رفیع احمد قدوائی میموریل ضلع ہسپتال کے بلڈ بینک جاکر فراز احمد نے اپنے ساتھیوں کے ساتھ خون کا عطیہ کیا۔

فراز احمد کے ذریعہ شروع کی گئی اس پہل کی ہر کوئی ستائش کر رہا ہے۔ خون کے عطیہ کیمپ میں بطور مہمان خصوصی ایس ڈی ایم صدر موجود رہے۔

ایس ڈی ایم نے فراز احمد خان کی ستائش کرتے ہوئے کہا کہ ان کی اس پہل سے لوگوں کی زندگی محفوظ تو رہے گی ہی، ساتھ ہی اس سے لوگوں میں خون کے عطیہ کے تئیں بیداری پیدا ہو گی۔