وارانسی: ٹرین میں دھماکہ ، 4 افراد زخمی

اترپردیش میں وارانسی ریلوے اسٹیشن کے قریب پریاگ راج-غازی پور سٹی ڈیمو پسنجر ٹرین میں ہونے والے دھماکہ میں 4 افراد زخمی ہو گئےہیں۔

پولیس ذرائع کے مطابق حادثہ جمعہ کو دیر شب ٹرین کے اسٹیشن پہنچنے سے قبل آؤٹر علاقہ میں ہوا۔غازی پور کے محمد عارف،جیندر کشواہا،گووند کشواہا اور اجے یادو حادثہ میں زخمی ہوئے ہیں،جن کاعلاج وارانسی کے کبیر چورا کے ڈویژنل اسپتا ل میں کیا جا رہا ہے۔

انھوں نے کہا کہ اطلاع ملتے ہی جی آر ایف اور آر پی ایف کا عملہ جائے حادثہ پر پہنچا اور زخمیوں کو اسپتال میں داخل کرایا ۔حادثہ کی جانچ کی جا رہی ہے۔