'بی جے پی کا جشن، ذہنی دیوالیہ پن کی انتہا'

کانگریس رہنما جگدیش شرما نے بی جے پی کی ایک سالہ تقریبات پر نکتہ چینی کرتے ہوئے کہا کہ 'شرم آنی چاہیے مرکزی حکومت کو ،ملک اس وقت شدید بحران میں ہے اور انہیں ہوا بازی نظر آ رہی ہے'۔

جگدیش شرما نے کہا کہ گلوبل ہنگر انڈیکس 2019 کی رپورٹ میں، بھارت کی صورتحال پاکستان ، بنگلہ دیش اور نیپال سے بھی بدتر ہے۔ بین الاقوامی لیبر یونین کے مطابق ، کووڈ 19 کی وجہ سے 40 کروڑ افراد اضافی غربت کا شکار ہوسکتے ہیں۔ جبکہ سی ایم آئی ای کی رپورٹ میں کہا گیا ہے کہ 12.21 کروڑ افراد روزگار سے محروم ہوگئے ہیں۔ اقوام متحدہ کے فوڈ پروگرام کے مطابق 2 کروڑ 22 لاکھ افراد فاقہ کشی کا شکار ہوگئے ہیں۔

ان تمام اعدادوشمار کو دیکھنے کے بعد بھی ، اگر بی جے پی حکومت جشن منانا چاہتی ہے ، تو یہ اس کی ذہنی دیوالیہ پن کی انتہا ہے ، تاریخ ان کا بے رحمی سے احتساب کرے گی۔

جگدیش شرما مزید کہتے ہیں کہ آزادی کے بعد ، سب سے زیادہ آمدنی کا عدم مساوات ہے ، ملک میں ایک فیصد کے پاس 45 فیصد دولت ہے ، غریب کا جینا مشکل ہوتا جا رہا ہے، انہیں بنیادی سہولیات سے محروم کیا جارہا ہے ۔

سول سوسائٹی کے دانشوروں اور عوامی مفادات کے معاملات اٹھانے والے کانگریس کے اعلیٰ رہنماؤں کو جیلوں میں ڈالا جارہا ہے ، جو یوپی سرکار خود لوگوں کے دلوں میں فٹ نہیں بیٹھتی ہے ، وہ غریب ، لاچار اور بے بس مزدوروں کو ہراساں کرنے کے لیے بسوں کے فٹنس سرٹیفکیٹ کا مطالبہ کررہی ہے ۔

نیشنل ڈیزاسٹر مینجمنٹ ایکٹ کے نام پر لوگوں کے ساتھ بھلائی کرنے کی بجائے انہیں کچلنے کا کام کیا جارہا ہے۔ ہم مرکزی حکومت سے یہ کہنا چاہتے ہیں کہ ہم کانگریسی ہیں ، جھکنے والوں میں نہیں ، آزادی جدوجہد سے لے کر اب تک ہم نے بہت سے دور دیکھے ہیں ، اس نازک وقت میں بھی ، ہم عوامی مفاد میں لڑتے رہیں گے۔

حکومت کو ایک سالہ جشن منانے کے بجائے عوام کو تکلیف پہنچانے پر معذرت کرنا چاہیے۔