بی جے پی اور ایس پی کارکنان کے درمیان جھڑپ

ریاست اتر پردیش کے چندولی میں میں ووٹنگ کے دوران بی جے پی اور سماج وادی پارٹی کے کارکنان کے دوران جم کر مار پیٹ ہوئی۔

اس جھڑپ میں کئی لوگوں کے زخمی ہونے کی اطلاع ہے، تاہم کسی بڑے نقصان کی خبر نہیں ہے۔

آج عام انتخابات 2019 کے آخری مرحلے کی پولنگ جاری ہے۔ یہاں دو سخت ترین حریف سیاسی جماعتوں کے کارکنان آپس میں لڑ تے ہوئے دکھائی دے رہے ہیں۔

اتر پردیش کی 13 پارلیمانی حلقوں میں سے ایک سیٹ چندولی کی بھی ہے، جہاں ووٹ ڈالے جارہے ہیں، اس دوران یہ سانحہ پیش آیا ہے۔

اس جھڑپ میں نازیبا الفاظ کا بھی استعمال کیا گیا ہے۔

انتظامیہ کی جانب سے معاملہ پر کارروائی کی جا رہی ہے، جھڑپ ہونے کی وجوہات کا ابھی تک پتہ نہیں چل سکا ہے۔