اترپردیش کے ضلع مظفرنگر کی عدالت میں آج گہما گہمی کا ماحول رہا، بی جے پی کے کئی رہنما آج الہ آباد ایم پی، ایم ایل کورٹ میں حاٖضر ہوئے، جہاں ان پر 2007 اور 2013 میں درج ہوئے کئی معاملے کی سماعت ہوئی۔
اس تعلق سے بی جے پی کے رہنماؤں نے بتایا کہ ایس پی اور بی ایس پی حکومت کے دوران کیے گئے احتجاج کے بعد پارٹی کے کئی رہنماؤں کے خلاف پر متعدد کیس درج کیے گئے تھے۔
اس ضمن میں عدالت نے سبھی رہنماؤں کو وارنٹ جاری کیا تھا، جس کے ضمانت کے لیے آج ریاستی وزیر کپل دیو اگروال اور دیگر عوامی نمائندے خصوصی عدالت میں پیش ہوئے اور وارنٹ واپس لینے اور ضمانت کی منظوری کے لیے تین الگ الگ درخواستیں داخل کی۔ اس کے بعد ایم پی، ایم ایل اے کورٹ کے خصوصی جج گوپال اوپادھیائے نے سماعت کرتے ہوئے وزیر مملکت کپل دیو اگروال کو 20 ہزار کے دو مچلکوں پر ضمانت کی عرضی منظور کرلی۔
مزید پڑھیں:
وہیں مظفرنگر بڑھانا کے ایم ایل اے امیش ملک کے خلاف بھی کورٹ نے وارنٹ جاری کیا تھا جس کے بعد آج وہ بھی کورٹ میں پیش ہوئے اور ضمانت کی عرضی داخل کی۔
