نوئیڈا مہا نگر کانگریس کمیٹی نے شہری صدر شہاب الدین کی سربراہی میں سیکٹر 37 میں واقع امبیڈکر پارک میں بابا صاحب بھیم راؤ امبیڈکر کے مجسمے کے سامنے دھرنا دیا۔
شہاب الدین نے کہا کہ 'بی جے پی رہنماؤں کی شہ پر شراب کا غیر قانونی کاروبار عروج پر ہے۔ حکومت نے آنکھیں بند رکھی ہیں کیونکہ یہ ان کے اپنے رہنماؤں کا کاروبار ہے۔ علی گڑھ اور آگرہ میں سینکڑوں ہلاکتوں کے پیچھے صرف بی جے پی رہنما ہی سامنے آ رہے پیں۔
اس کے علاوہ کانگریس کے ضلعی انچارج سنیل بِشنوئی نے کہا کہ ریاست کی یوگی حکومت ان واردات کو روکنے میں ناکام ثابت ہو رہی ہے۔
ترجمان پون شرما نے کہا کہ حکومت زہریلی شراب پینے کی وجہ سے مرنے والوں کے اہل خانہ کو معاوضے کا اعلان کرے۔ کانگریس ان غیر قانونی کاروبار میں ملوث افراد کے خلاف سخت کارروائی کا مطالبہ کرتی ہے۔
اس دوران شہری صدر شہاب الدین، انچارج سنیل بشنوئی، اے آئی سی سی دنیش اوانا، راجکمار بھارتی، ترجمان پون شرما، نائب صدر پرمود شرما، اتر پردیش مغربی کانگریس کے صدر اوم ویر یادو، ضلعی یوتھ صدر پرشوتم ناگر، پی سی سی پھیرے سنگھ ناگر، سینیئر رہنما راجن وش موجود تھے۔
