ریاست اترپردیش کے ضلع بارہ بنکی میں بھارتیہ جنتا پارٹی کے سابق ریاستی وزیر ویریندر تیواری نے ایودھیا میں رام مندر کی تعمیر کو بی جے پی حکومت کی سب سے بڑی کامیابی بتایا ہے۔ لیکن جب ان سے سوال کیا گیا کہ یہ مسئلہ عدالت کے فیصلے سے حل ہوا ہے، تب اس کا وہ مناسب جواب نہیں دے سکے۔
رام مندر پر سپریم کورٹ نے رائے عامہ کے مطابق فیصلہ سنایا
بارہ بنکی میں ریاستی حکومت کے ساڑھے 4 برس مکمل ہونے پر منائے جارہے وکاس پرو کے تحت منعقدہ پریس کانفرنس کے دوران ویریندر تیواری نے کہا کہ رام مندر تعمیر کی خواہش تمام ووٹرس کی تھی اور عوام کے خواہشات کی قدر کرتے ہوئے سپریم کورٹ نے رائے عامہ کے مطابق فیصلہ لیا ہے۔ مخالفین دعویٰ کررہے تھے کہ جب فیصلہ آئے گا تو افراتفری کا ماحول پیدا ہوجائے گا، لیکن فیصلہ آنے کے بعد ایسا کچھ نہیں ہوا۔