مرادآباد-بی جے رکن اسمبلی کو پاکستان سے ملی جان سے مارنے کی دھمکی

ضلع مرادآباد کے بی جے پی کے رکن اسمبلی رِتیش گپتا نے بتایا کہ پاکستانی واٹس اپ نمبر سے ان کے اور ان کے خانوادہ کو جان سے مارنے کی دھمکی ملی ہے، جس کے لیے انہوں نے رپورٹ درج کرائی ہے۔

ریاست اتر پردیش کے ضلع مرادآباد کے بی جے پی کے رکن اسمبلی رِتیش گپتا کو ایک پاکستانی موبائل سے جان سے مارنے کی دھمکی ملی ہے۔

پاکستانی موبائل نمبر +92-3156267120 سے واٹس اپ وائس کالنگ اور ویڈیو کالنگ کے ذریعہ رکن اسمبلیرتیش کمار گپتاکو جان سے مارنے کی دھمکی ملی ہے۔

رتیش کمار گپتا نے کہا کہ ان کے ساتھ ان کے خانوادہ کو جان سے مارنے کی دھمکی دی گئی ہے۔

بی جی پی رکن اسمبلی نے ای ٹی وی بھارت کو بتایا کہ پاکستانی واٹس اپ نمبر سے ان کے اور ان کے خانوادہ کو جان سے مارنے کی دھمکی ملی ہے۔

انھوں نے مزید کہا کہ دھمکی دینے والے شخص نے وزیراعظم نریندر مودی کے لئے بھی نازیبا الفاظ استعمال کئے تھے۔

کال کرنے والے شخص نے خود کو پڑوسی ملک پاکستان کا رہائشی بتایا ہے۔

رکن اسبملی رِتیش کمار گپتا نے اس معاملے میں تحریری شکایت درج کی ہے۔

مرادآباد تھانہ گلشہید پولس نے معاملہ درج کر تفتیش شروع کردی ہے ۔

رِتیش گپتا نے بتایا کہ اس سے پہلے بھی پاکستان سے دھمکی ملی تھی تب مرادآباد پولس نے ان کی حفاظت کے انتظامات چوکس کر دیے تھے

اب پھر رکن اسمبلی رتیش کمار گپتا کو دھمکی ملنے کے بعد پولس نے ان کے مکان اور دفتر پر سکیورٹی میں اضافہ کر دیا ہے۔