بینی پرساد ورما کی سالگرہ پر اجتماعی شادی کا اہتمام

سابق مرکزی وزیر اور رکن پارلیمان بینی پرساد ورما آج 80 برس کے ہو گئے۔ اس موقع پر بارہ بنکی میں سماج وادی پارٹی کے کارکنان اور ان کے حامیوں کی جانب سے مختلف پروگراموں کا اہتمام کیا گیا۔ اس موقع پر اجتماعی شادی کی تقریب کا اہتمام بھی کیا گیا۔

ریاست اترپردیش کے ضلع بارہ بنکی میں سابق مرکزی وزیر اور رکن پارلیمان بینی پرساد ورما کی سالگرہ پر یہ تقریب مسلسل 13 برسوں سے ہوتی آ رہی ہے۔ اس میں ہر برس 30 جوڑوں کی شادی کرائی جاتی ہے۔

بینی پرساد ورما اس تقریب میں شریک تھے۔ وہ لمبے وقفے کے بعد بارہ بنکی پہونچے تھے۔ ان کے آنے سے ایس پی کارکنان اور ان کے حامیوں میں کافی جوش نظر آیا۔ کارکنان نے ان کی حمایت میں نعرہ بازی بھی کی۔ اس دوران انہیں سالگرہ کی مبارک باد دینے بارہ بنکی کے تمام ایس رہنما پہونچے۔

بینی پرساد ورما کی سالگرہ پر اجتماعی شادی کا انعقاد

اپنی سالگرہ پر بارہ بنکی آ کر بینی پرساد ورما نے اپنی طاقت کا مظاہرہ بھی کیا ہے۔ ان کی حمایت میں جس جوش سے کارکنان نے شرکت کی ہے اس سے واضح ہے کہ بینی ورما کے مخالفین میں بے چینی ضرور بڑھے گی۔