سماجوادی پارٹی کے ضلعی صدر بیر سنگھ یادو نے کہا کہ کنور بلال برنی پچھلے کئی برسوں سے الیکٹرانک میڈیا، سوشل میڈیا اور پرنٹ میڈیا پر سماج وادی پارٹی کا مؤقف بیباک، واضح اور مضبوطی سے رکھتے ہیں۔
انہوں نے کہا کہ کنور بلال برنی پوری ایمانداری اور وفاداری کے ساتھ سماج وادی پارٹی میں مختلف عہدوں پر اپنی ذمہ داریوں کی تکمیل کے ساتھ سماجی مفادات کے تحفظ کی جدوجہد میں اپنا خصوصی کردار ادا کرتے رہے ہیں۔
اس موقع پر نو منتخب ایس پی کے ضلعی ترجمان کنور بلال برنی نے کہا کہ پارٹی کے ذریعہ دی گئی ذمہ داری کو ہر ممکن نبھانے کی کوشش کروں گا۔
کنور بلال برنی نے ایس پی کے سربراہ اکھلیش یادو، قومی سکریٹری مولانا جاوید عابدی، ریاستی صدر نریش اتم پٹیل اور ایس پی کے ضلعی صدر بیر سنگھ یادو کا شکریہ ادا کیا۔
اس موقع پر نوئیڈا اسمبلی سے ٹکٹ کے دعویدار محمد تسلیم، لوہیا واہنی مہا نگر نوئیڈا کے سابق صدر ساحل خان، ایس پی رہنما تنویر حسین، اکشے چودھری، سورج تیاگی، ممتاز عالم، ہیپی پنڈت، ہمت سنگھ جدون، محمد عمران، شاہ رخ وکاس بنوٹا، سبھاش بھٹی، سمیت دیگر پارٹی قائدین اور کارکنان نے کنور بلال برنی کو مبارکباد پیش کی۔