بجنور: کسانوں نے دو افراد کو ڈوبنے سے بچایا

اترپردیش کے ضلع بجنور میں تین افراد شدید گرمی سے نجات پانے کے لئے گنگا ندی میں نہانے گئے۔ اسی دوران ندی میں پانی کے تیز بہاو کے سبب تینوں ڈوبنے لگے۔

ریاست اترپردیش کے ضلع بجنور کے تھانہ کوتوالی شہر بجنور کے گنگا جلال پور گھاٹ پر تین افراد گرمی کی شدت سے نجات پانے کے لئے گنگا ندی میں نہانے گئے۔ اس دوران ندی میں پانی کے تیز بہاؤ میں ڈوبنے لگے اور مدد کے لیے آواز دینے لگے۔

ان کی آواز سن کر قرب وجوار کے کھیتوں میں کام کر رہے کسانوں نے تین میں سے دو کو ڈوبنے سے بچا لیا جبکہ تیسرے شخص کو پولیس و غوطہ خور گنگا میں تلاش کر رہے ہیں۔