ریاست اترپردیش کے ضلع بجنور کے تھانہ دھام پور کے نور پور جانے والے راستہ پر تیز رفتار ڈی سی ایم نے بائیک پر سوار دو سگے بھائیوں کو ٹکر ماردی، دونوں سگے بھائیوں کی موقع پر ہی المناک طور پر موت ہوگئی۔
متوفی کے چچا دھرپال سنگھ نے بتایا کہ متوفی بھائیوں میں سے ایک بھائی کی بیوی کو آپریشن سے بچہ پیدا ہوا تھا، بچہ کمزور تھا خون کی ضرورت تھی، جس کے لیے اس کے والد اور چچا خون کے لیے بائک سے نکلے تھے، لیکن راستے میں ہی ڈی سی ایم کی ٹکر سے دونوں کی موت ہوگئی۔
اچانک ہوئے سڑک حادثے میں دو حقیقی بھائیوں کی موت سے کنبہ والوں کا رو رو کر برا حال ہے۔ موقع پر پہنچی پولیس نے لاش کو قبضہ میں لیکر پوسٹ مارٹم کے لئے روانہ کر دیا ہے۔