بجنور: لاک ڈاؤن کے بعد سبزی منڈی میں ہجوم

کورونا وائرس کی روک تھام کے لئے اتر پردیش کے وزیراعلی یوگی آدتیہ ناتھ نے 25 سے 27 تک تمام اضلاع کو مقفل کرنے کا اعلان کیا ہے۔

ریاست اتر پردیش کے وزیراعلی یوگی آدتیہ ناتھ نے مقامی ضلع انتظامیہ کے اہلکاروں کو حکم دیا ہے کہ وہ لاک ڈاؤن کے دوران شہریوں کو سڑک پر نہ آنے دیں۔

اس لاک ڈاؤن کو ضلع انتظامیہ کو نافذ کرنا ہے۔ لاک ڈاؤن کی اطلاع پر ضلع بجنور کی سبزی منڈی اور میڈیکل اسٹور پر عوام کا ہجوم برپا ہوگیا۔

لاک ڈاؤن کا اعلان اتر پردیش کے 16 اضلاع میں وزیر اعلی نے کیا تھا۔ جس میں یہ 16 اضلاع 25 مارچ تک بند کردیئے گئے تھے۔ لیکن لاک ڈاؤن کی پیروی نہ کرنے پر اتر پردیش کے وزیراعلی یوگی آدتیہ ناتھ نے 75 اضلاع کو آج سے تالے بند کرنے کا حکم دیا ہے۔

حکم ملنے کے بعد ضلع کے انتظامی عہدیداروں نے دکانوں اور گلیوں میں گھومنے والے تمام لوگوں کو اپنے گھر جانے کو کہا ہے۔

لاک ڈاؤن کی اطلاع پر ضلع بجنور کے نمائش گراؤنڈ میں قائم سبزی منڈی میں لوگوں کا ہجوم جمع ہوگیا۔

سبزی خریدنے آنے والے خریداروں کا کہنا ہے کہ 'لاک ڈاؤن کے اعلان پر سبزی زیادہ قیمت پر فروخت کی جارہی ہے۔ آلو کی قیمت 20 روپے سے بڑھ کر 50 روپے ہوگئی ہے جبکہ پیاز بھی دگنے قیمت پر فروخت ہورہے ہیں۔'