اترپردیش میں اسمبلی انتخابات کا بگل بجتے ہی سیاسی رسہ کشی اور بیان بازی کا دور شروع ہوگیا ہے۔
بہار کے مظفر پور سے تعلق رکھنے والے سماجی کارکن تمنا ہاشمی نے اعلان کیا ہے کہ وہ گورکھپور شہر سے اترپردیش کے وزیراعلی یوگی آدتیہ ناتھ کے خلاف الیکشن لڑیں گے۔ ان کا دعویٰ ہے کہ اترپردیش کے وزیر اعلیٰ مسلسل ایک طبقے کو نشانہ بناتے ہیں اور انہیں ڈرانے کی کوشش کرتے ہیں۔ Bihar social activist Tamanna Hashmi
انہوں نے کہا کہ اس بار سی ایم یوگی آدتیہ ناتھ گورکھپور سے الیکشن لڑ رہے ہیں، اس لیے میں نے اس سیٹ سے الیکشن لڑنے کا فیصلہ کیا ہے اور پوری طاقت کے ساتھ الیکشن لڑوں گا اور جیتوں گا۔
تمنا نے مزید کہا کہ"مجھے گورکھپور کے لوگوں پر پورا بھروسہ ہے۔ میں مذہب کی سیاست نہیں کرنے جا رہا ہوں، بلکہ میں ظالموں کے خلاف آواز اٹھانے جا رہا ہوں۔ انصاف ہونا چاہیے۔ یوگی نے ایک کمیونٹی کو نشانہ بنایا، اس لیے انہیں اترپردیش سے اکھاڑ پھینکنا پڑے گا اور یہ میرا ہدف ہے۔ بہار کا بیٹا پوری طاقت سے الیکشن لڑے گا"