احتجاج کے دوران ہلاک ہوئے شخص کے اہل خانہ سے ملے چندر شیکھر

بھیم آرمی چیف چندر شیکھر آج مظفر نگر میں نورا کے گھر پہنچے جن کی 20 دسمبر کو احتجاج کے دوران موت ہو گئی تھی۔

چندرشیکھر کے مظفر نگر پہنچنے پر لوگو نے ان کا استقبال کیا۔ چندر شیکھر نے مظفر نگر کے سوجڑو میں کارکنان کے ساتھ ایک میٹنگ بھی کی، اس دوران ضلع انتظامیہ بھی پوری طرح مستعد رہا۔

ریاست اترپردیش کے ضلع مظفر نگر میں بھیم آرمی کے چیف چندر شیکھر مظفر نگر کے تھانہ علاقے کے خالہ پار میں مرحوم نورا کے گھر پہنچے۔

جہاں انہوں نے جاں بحق ہوئے نورا کے لواحقین سے ملاقات کی،اور انکی پریشانیوں کو سنا۔

چندر شیکھر نے مرحوم نورا کے اہل خانہ سے ملکر انکو انصاف دلانے کے لیے بھروسہ دلایا،اور کہا کہ ہم ہر طرح سے آپکے ساتھ ہیں۔