ریاست اترپردیش کے ضلع مظفر نگر میں کلیکٹریٹ کے احاطے میں سینکڑوں کی تعداد میں بھارتیہ کسان یونین کے کارکنان اور عہدیداروں نے اپنے مختلف مطالبات اور مظفر نگر کے گاؤں سید پورہ میں واقع 17 بیگھا قبرستان پر کیے قبضے کے خلاف زبردست احتجاجی مظاہرہ کیا۔ اس مظاہرے میں سید پورا گاؤں کے بھی رہائشی موجود تھے۔
مظفر نگر: بھارتیہ کسان یونین تومر کا احتجاجی مظاہرہ
انہوں نے کہا کہ سید پورا کے قبرستان پر انتظامیہ کے چکبندی محکمہ اور لینڈ مافیا مل کر قبضہ کر رہے ہیں جب کہ ہمارے پاس اس قبرستان کے دستاویز بھی موجود ہیں، وہاں پر قبریں بھی موجود ہیں۔ ہم انہیں مطالبات کو لے کر ضلع مجسٹریٹ کے پاس آئے ہیں۔