ضلع انتظامیہ سے کسانوں کے مسائل حل کرنے کا مطالبہ

ریاست اترپردیش کے ضلع سہارنپور میں بھارتیہ کسان یونین سے وابستہ کسانوں کا ایک گروہ ضلع مجسٹریٹ سے کسانوں کے مسائل کے حل کے لیے ملا۔

سہارن پور میں بھارتیہ کسان یونین کے رہنماؤں نے کسانوں کے مختلف مسائل کے تعلق سے ضلع مجسٹریٹ سے گفتگو اور انہیں میمورنڈم دیا۔

کسان رہنما نے ضلع مجسٹریٹ سے کہا کہ ان کے مسائل کو جلد سے جلد حل کرایا جائے ورنہ دہلی تحریک کی طرح سہارنپور میں بھی تحریک شروع کریں گے۔

خیال رہے کہ مرکزی حکومت کے ذریعہ بنائے گئے ذرعی قوانین کی مخالفت کا کسانوں کا احتجاج گذشتہ 75 دنوں سے جاری ہے۔

اس موقع پر بھارتیہ کسان یونین کے ریاستی نائب صدر ونے کمار نے کہا کہ غازی پور بارڈر پر کسانوں کے ذریعہ مرکزی حکومت کی جانب سے لائے گئے زرعی قوانین کے خلاف کئے جارہے احتجاج کو مزید مضبوطی دینے کے لئے سہارنپو رمیں کسان میٹنگ کرکے جلد دہلی کے لئے روانہ ہوں گے۔

انہوں نے کہا کہ جب تک حکومت تینوں زرعی قوانین واپس نہیں لیتی تو یہ احتجاج جاری رہے گا۔