بھارتیہ کسان یونین کے لیڈروں نے یوگی سے کی ملاقات

بھارتیہ کسان یونین کے ایک وفد نے بدھ کو اترپردیش کے وزیر اعلی یوگی آدتیہ ناتھ سے ملاقات کر گنا بقایاجات کی ادائیگی، زمینوں کاحصول ،معاوضہ، اور کسانوں کے دیگر مسائل کو حل کرنے کا مطالبہ کیا ہے۔

لکھنؤ:بھارتیہ کسان یونین کے ایک وفد نے بدھ کو اترپردیش کے وزیر اعلی یوگی آدتیہ ناتھ سے ملاقات کر گنا بقایاجات کی ادائیگی،زمینوں کاحصول ،معاوضہ، اور کسانوں کے دیگر مسائل کو حل کرنے کا مطالبہ کیا ہے۔

بھارتیہ کسان یونین کے میڈیا انچارج دھرمیندر ملک نے یہاں بتایا کہ آج بھارتیہ کسان یونین کے ایک نمائندے نے یونین کے نیشنل ترجمان چودھری راکیش ٹکیت کی قیادت میں وزیر اعلی یوگی آدتیہ سے ان کی رہائش گاہ پر ملاقات کی اور کسانوں کے مسائل سے آگاہ کیا۔

ملک نے بتایا کہ وزیر اعلی نے تیقن دیا ہے کہ نئے گنا پیرائی کے نئے سیشن کے آغاز سے پہلے کسانوں کے گنا بقایا جات کی ادئیگی کردی جائے گی۔ پروجکٹس کی تعمیر کے لئے حاصل کی گئی زمین پر قبضہ سے پہلے کسانوں کو فصل کاٹنے کے لئے پورا وقت دیا جائے گا۔

فصلوں کی خرید کم از کم سہارا قیمت پر ہو اس کے لئے ضروری قدم اٹھانے، بجلی کی شرحوں میں اضافہ نہ کئے جانے وغیرہ موضوعات پر بات چیت ہوئی ہے۔