نیوٹریشن سوسائٹی آف انڈیا کا پہلا انعام بھاگلپور چیپٹر کو ملا

نیوٹریشن سوسائٹی آف انڈیا کے بھاگلپور چیپٹر کو نیوٹریشن سوسائٹی آف انڈیا، حیدرآباد کی جانب سے 55ویں سالانہ کانفرنس میں 'بہترین چیپٹر ایوارڈ' سے سرفراز کیا گیا ہے۔ اسی سلسلے میں بھاگلپور میں واقع شفالی یوتھ کلب کمپلیکس، سرائے میں ایک تقریب کا انعقاد کیا گیا۔ Award For Bhagalpur

بھاگلپور:ریاست بہار کے ضلع بھاگلپور کو نیوٹریشن سوسائٹی آف انڈیا کے بھاگلپور چیپٹر کو نیوٹریشن سوسائٹی آف انڈیا، حیدرآباد کی جانب سے 55ویں سالانہ کانفرنس میں 'بہترین چیپٹر ایوارڈ' سے سرفراز کیا گیا ہے۔ ڈاکٹر فاروق علی انہوں نے کہا کہ ہندوستان 2023 میں بھوک کے عالمی انڈیکس میں 111 ویں نمبر پر ہوگا جبکہ 2014 میں یہ 55 ویں نمبر پر تھا۔

انہوں نے کہاکہ ہندوستان میں اناج کی بڑی پیداوار کے باوجود لوگوں کو دو وقت کا کھانا میسر نہیں ۔ سپریم کورٹ نے کہا تھا کہ حکومت غریبوں تک اناج پہنچائے یا غریبوں کو اناج تک پہنچنے دے۔ اس کے بعد حکومت ہند کی طرف سے فوڈ سیکورٹی ایکٹ منظور کیا گیا جس کے تحت اگلے 5 سال تک 20 کروڑ لوگوں کو مفت غذائی اجناس دیا گیا۔ علاوہ ازیں انہوں نے اصرار کیا کہ نیوٹریشن سیکیورٹی ایکٹ بھی لاگو کیا جائے۔

اس تقریب کا اہتمام آف لائن اور آن لائن دونوں موڈ میں کیا گیا تھا جس میں این ایس آئی حیدرآباد، جئے پرکاش یونیورسٹی چھپرہ، بی۔ این منڈل یونیورسٹی مدھے پورہ، نیلمبر پتمبر یونیورسٹی ،جھارکھنڈ، بھیم راؤ امبیڈکر یونیورسٹی، مظفر پور اور ٹی۔ ایم۔ بی یونیورسٹی ،بھاگلپور کے اراکین نے شرکت کی۔ اس موقع پر نیوٹریشن سوسائٹی آف انڈیا کے بھاگلپور چیپٹر کی نئی کنوینر ڈاکٹر شفالی کو منتخب کیا گیا، جنہوں نے معاشرے میں تغذیہ کے تعلق سے آگہی کے لیے مزید جوش و خروش کے ساتھ کام کرنے کا اعادہ کیا۔