اے ایم یو کے ریسرچ اسکالر بنا گاؤں کا پردھان

اتر پردیش کے علی گڑھ میں موجود علی مسلم یونیورسٹی کے ریسرچ اسکالر کنور محمد احمد نے تعلیمی سلسلہ جاری رکھتے ہوئے گاؤں کے پردھان کے انتخاب میں جیت درج کرتے ہوئے پردھان بن گئے ہیں۔

علی گڑھ مسلم یونیورسٹی میں کچھ خواہشمند طلبہ تعلیم و تربیت کے ساتھ طلبہ یونین کا حصہ بن کر ملک کی سیاسی سرگرمیوں میں بھی سرگرم رہتے ہیں۔ طلبہ یونین کے انتخابات میں منتخب ہونے کے بعد طلبہ نہ صرف یونیورسٹی بلکہ ملک کی سیاسی سرگرمیوں میں حصہ لیتے ہیں اور اپنی تعلیم مکمل کرنے کے بعد زیادہ تر طلبہ ملک کی دیگر سیاسی جماعتوں کی رکنیت حاصل کرتے ہیں۔

اطلاع کے مطابق یونیورسٹی کے شعبہ ہندی کے موجودہ ریسرچ اسکالر کنور احمد محمد یونیورسٹی کے پہلے ایسے ریسرچ اسکالر ہیں جنہوں نے طالب علم رہتے ہوئے پردھانی کے انتخابات میں کامیابی حاصل کر پردھان بن گئے ہیں۔ ریسرچ سکالر کنور احمد محمد نے خصوصی گفتگو میں سب سے پہلے گاؤں کے سبھی لوگوں کا شکریہ ادا کیا جنہوں نے انہیں پردھانی کے لیے منتخب کیا۔ کنور احمد نے مزید کہا یہ یونیورسٹی کی تاریخ میں پہلی مرتبہ ہوا ہے کہ کوئی طالب علم یونیورسٹی کا طالب علم رہتے اپنے گاؤں کا پرھان بنا ہے۔میرا سب سے پہلا کام ہے گاؤں کی شاندار ترقی ہونی چاہیے، ترقی ہونے کا مطلب ہے کہ سب سے پہلے ان کی تعلیمی معیار میں اضافہ ہو۔اس کے علاوہ میں اپنے گاؤں کے بچوں کو بہترین تیاری کرواؤں گا تاکہ وہ یونیورسٹی کے داخلے امتحانات میں کامیابی حاصل کر سکیں۔