سوندھیا گاؤں کا خوبصورت پل

ریاست اترپردیش کے ضلع کوشامبی کی تحصیل منجھن پور میں ایک گاؤں ہے، اس گاؤں کا نام سوندھیا ہے۔

سوندھیا گاؤں شہر کوشامبی سے محض 10 کلو میٹر کی دوری پر واقع ہے۔ بذریعہ سڑک اس کی مسافت 20 منٹ میں طے کی جاتی ہے۔

سوندھیا گاؤں کو ایک سڑک شہر سے جوڑتی ہے اور اسی سڑک کے درمیان ایک چھوٹی سی نہر ہے، نہر کے اوپر برطانوی دور حکومت میں تعمیر کیا گیا ایک یادگار پل ہے۔

اس پل کی خاص بات ہے یہ ہےکہ یہ تقریباً سو برس قبل تعمیر کیا گیا تھا، اور اس وقت کے پل کی تعمیر میں گارے مٹی کا استعمال ہونے کی وجہ سے پل کی مضبوطی آج بھی جوں کی توں برقرار ہے۔

اس پل سے تمام چھوٹی بڑی گاڑیاں گزرتی ہیں، مگر پل کی مضبوطی میں کوئی فرق نہیں آیا ہے۔

ایک جانب جہاں یہ پل مضبوط ہے، وہیں دوسری جانب اس کی پل کی خوبصورتی بھی دید کے قابل ہے۔

سوندھیا پل کے نیچے ایک چھوٹی سی ندی بہتی ہے ، جس سے قرب و جوار کے کھیتوں میں سینچائی کی جاتی ہے۔

مقامی لوگوں کا کہنا ہے کہ یہ پل عرصہ دراز سے جوں کا توں ہے، کبھی بھی اس پل کو مرمت کرنے کی نوبت نہیں آئی ہے۔

سوندھیا پل برسات کے دنوں میں بھی نہیں ڈوبتا ہے،اور اس سے آمدو رفت جاری رہتی ہے۔

مقامی لوگوں کا کہنا ہے کہ برسات کے دنوں میں قریبی ندی نالے بھر جاتے ہیں لیکن یہ پل اپنی جگہ بالکل محفوظ رہتا ہے اور لوگ بلا خوف و خطر اس کا استعمال کرتے ہیں۔