بستی: یکم نومبر سے ہوگی دھان کی خریداری

اترپردیش کے ضلع بستی میں سرکاری مراکز پر آنے والے دھان کی خریداری یکم نومبر سے 28 فروری تک کی جائے گی۔

اترپردیش کے ضلع بستی میں دھان فروخت کرنے کے لئے کسانوں کو آن لائن رجسٹریشن کرانا ہوگا۔ انچارج چیف ڈیولپمنٹ افسر سنجیت کور نے بدھ کو بتایا کہ رواں مالی سال میں دھان کی خرید 1868 روپئے فی کوئنتل کی شرح سے کی جائے گی۔

انہوں نے بتایا کہ سرکاری خرید مراکز پر دھان فروخت کرنے کے لئے کسانوں کو اپنا آن لائن رجسٹریشن کرانا ہوگا۔ کسانوں کو رجسٹریشن کرانے کے لئے کمپیوٹرائز کھتونی، فوٹو شناختی کارڈ، بینک پاس بک کی فوٹو کاپی، آدھار کارڈ لگانا ضرور ی ہوگا۔

انچارج ضلع افسر نے ضلع کے کسانوں سے اپیل کی ہے کہ ایسے کسان جنہیں آنے والے دنوں میں اپنا دھان فروخت کرنا ہے وہ لوگ سرکاری خرید مراکز پر وقت رہتے اپنا رجسٹریشن کرالیں۔ جس سے انہیں دھان فروخت کرنے میں کسی قسم کی کوئی دشواری کا سامنا نہ کرنا پڑے۔