بریلی: رکن پارلیمان ماسک بنانے میں مصروف

ریاست اترپردیش کے ضلع بریلی سے رکن پارلیمان دھرمیندر کشیپ لاک ڈاؤن کے دوران ماسک بنا کر لوگوں میں مفت تقسیم کر رہے ہیں۔

ملک میں جاری لاک ڈاؤن نے لوگوں کو گھروں میں رہنے پر مجبور کر دیا ہے، کورونا وائرس نے معاشی اور سماجی طور حکومت اور عوام کی کمر توڑ رکھی ہے لیکن اس تصویر کا دوسرا رخ یہ ہے کہ کورونا وائرس نے زندگی کے فلسفہ کو کافی حد تک تبدیل کردیا ہے۔

بریلی میں آنولہ لوک سبھا نشست سے دوسری مرتبہ رکن پارلیمان منتخب ہونے والے دھرمیندر کشیپ ان دنوں سلائی مشین سے ماسک بنانے کا کام کر رہے ہیں۔

دھرمیندر کشیپ اپنے گھر کے صحن میں سلائی مشین پر بیٹھے ہوئے ہیں اور ماسک بنا رہے ہیں۔

پہلی نظر میں آپکو یہ شخص درزی یا کوئی معمولی آدمی نظر آئے گا لیکن آپ کی حیرت کی انتہا اس وقت نا رہے گی جب آپ کو یہ معلوم ہوگا کہ یہ کوئی عام انسام نہیں بلکہ رکن پارلیمان ہے۔

دھرمیندر کشیپ بریلی ضلع کی آنولہ لوک سبھا نشست سے رکن پارلیمان ہیں۔

رکن پارلیمان دھرمیندر کشیپ ان دنوں درزی کا کام کر رہے ہیں اور ماسک بنانے میں مصروف ہیں، وہ کئی گھنٹوں تک مشین پر بیٹھ کر ماسک بناتے ہیں اور لوگوں میں مفت تقسیم کر رہے ہیں۔

خاص بات یہ ہے کہ اس کام میں نہ صرف رکن پارلیمان دھرمیندر کشیپ لگے ہوئے ہیں بلکہ ان کی اہلیہ اور بیٹی بھی اس میں تعاون کر رہے ہیں۔

انہوں نے عوام سے اپیل کی کہ لوگ لاک ڈاؤن کے قوانین پر عمل کرتے ہوئے گھر پر ہی رہیں اور بہت زیادہ ضروری ہو تو تب ہی گھر سے باہر نکلیں۔