بریلی: آٹھ سالہ معصوم کا عصمت دری کے بعد قتل

بریلی میں ایک معصوم بچی کی لاش ملی ہے۔ پولیس نے بتایا کہ اس کی عمر آٹھ برس ہے، اور اس کا جنسی زیادتی کے بعد قتل کیا گیا ہے۔

اترپردیش کے ضلع بریلی میں آنولہ تحصیل علاقے میں شادی تقریب میں ایک آٹھ سالہ معصوم بچی کو اغوا کرلیا گیا جس کی لاش ہفتہ کو گاؤں کے باہر پڑی ہوئی ملی ہے۔

پولیس کے مطابق متوفیہ کے ساتھ عصمت دری کے بعد اس کا قتل کی گیا ہے۔ بریلی کے سینئر سپرنٹنڈنٹ آف پولیس شیلیش کمار پانڈے نے آج یہاں بتایا کہ صبح 06:30 بجے گاؤں کےقریب باغیچے میں بچی کی لاش پڑی ہوئی ملی ہے۔

بچی کے والد کا نام شیام سنگھ یادو ہے۔ بتایا جاتا ہے کہ جمعہ کی رات لڑکی شیا م کے چچیرے بھائی رام رتن کی لڑکی کی شادی تقریب میں شرکت کے لئے گئی تھی۔ جس نے رات گیارہ بجے تک آرتی ہوتے دیکھا تھا۔ جس کے بعد صبح اس کی لاش ملی ہے۔ پولیس نے لاش کو پوسٹ مارٹم کے لئے بھیج دیا ہے۔