اس سلسلہ میں بریلی میں واقع درگاہ اعلیٰ حضرت امام احمد رضا خاں کی تنظیم تحریک تحفظِ سُنیّت کی جانب سے ایک کیمپ شہر کے سٹی اسٹیشن پر لگایا جاتا ہے۔ جس میں بریلی سے ہوکر اجمیر جانے والے عقیدت مندوں کی سہولیت کے لیے تمام ضرورت اقدامات کیے جاتے ہیں۔
عرسِ خواجہ میں شرکت کرنے لیے شمالی ہندوستان اور دیگر ریاستوں سے لاکھوں کی تعداد میں زائرین اجمیر تشریف لے جاتے ہیں۔
اس سفر کے درمیان تمام زائرین اتر پردیش کے ضلع بریلی میں درگاہ اعلیٰ حضرت پر حاضری دیتے ہیں۔ لہزا شہر کے سٹی اسٹیشن کے اطراف میں ان زائرین کے قیام وطعام کا انتظام کیا جاتا ہے۔
اجمیر جانے والے عقیدت مندوں کے لیے سہولیات کا نظم یہاں زائرین ایک یا دو روز ٹھہرنے کے دوران درگاہ اعلیٰ حضرت پر حاضری دینے، مساجد میں عبادت کرنے اور شہر میں گھومنے کے معمور میں وقت گزارتے ہیں۔ اس وجہ سے تمام زائرین کے ٹھہرنے، نہانے، سونے اور وضو و عبادت کے معقول انتظام کی ذمہّ داری ضلع انتظامیہ کی ہوتی ہے۔
اس سلسلہ میں ضلع کلیکٹریٹ میں درگاہ اعلیٰ حضرت کی تنظیم تحریک تحفظ سُنیّت کے عہدے داران اور کارکنان کے ساتھ ضلع انتظامیہ نے ایک میٹنگ کا انعقاد کیا۔
جس میں بریلی مئونسپل کارپوریشن، محکمہ بجلی، جی آر پی اور آر پی ایف سمیت تمام محکمہ کے اعلیٰ افسران نے شرکت کی۔
میٹنگ کی صدارت کرنے والے اے ڈی ایم مہیندر کمار سنگھ نے تمام افسران کو سٹی اسٹیشن کے اطراف میں گزشتہ برسوں کی طرز پر تمام انتظامات مہیا کرانے کے احکامات دیے اور یقین دہانی کرائی کہ عرس خواجہ کے دوران بریلی میں آنے والے تمام زائرین کی سہولیات کے لیے تمام ضروری اقدامات کیے جائیں گے۔
