یوپی ۔ اتراکھنڈ سرحد پر رسم نکاح

لاک ڈاون کے چوتھے مرحلے میں اتراکھنڈ سے شادی کے جوڑے میں آئے دولہے کا سرحد پر ہی حافظ نے نکاح پڑھایا وہ بھی محض اس لئے کہ اتراکھنڈ حکومت کی جانب سے کسی کو دوسری ریاست میں جانے کی اجازت نہیں تھی۔ سرحد پر نکاح کی رسم ادا کر کے دولہا اپنے چار ساتھیوں کے ساتھ دلہن کو اپنے گھر اتراکھنڈ لے گیا-

در اصل اتراکھنڈ کے ٹہری گڑھوال کا مکیں محمد فیصل اپنے چند احباب کے ساتھ بجنور کے نگینہ کی رہنے والی دلہن کو لینے کے لئے بارات کے ساتھ آئے تھے۔ بارات کو یوپی اتراکھنڈ کی سرحد پر ہی روک دیا گیا تھا۔

کیونکہ اتراکھنڈ حکومت کی جانب سے دوسری ریاستوں میں جانے کی اجازت نہیں دی گئی تھی بلکہ سرحد تک ہی جانے کی اجازت دی گئی تھی۔

اسی کے پیش نظر سرحد پر حافظ نے دولہے کا نکاح پڑھوایا-ادھر دلہن بھی پہلے ہی سے سرحد پر موجود تھی۔ چند لوگوں کی موجودگی میں نکاح کی رسم ادائیگی کے بعد دولہا دلہن کو اپنے گھر لے گیا۔