بارہ بنکی: کورونا کے مثبت 130 مریض، انتظامیہ مستعد

ریاست اترپردیش کے ضلع بارہ بنکی میں کورونا وائرس کے 9 نئے مریض ملنے کے بعد انتظامیہ پوری طرح مستعد ہے۔ ان نو مریضوں کے ساتھ ضلع میں مثبت کیسز کی تعداد 130 ہوگئی ہے۔ جن علاقوں سے یہ مریض ملے ہیں ان علاقوں کو کنٹونمینٹ زون بنا کر سیل کر دیا گیا ہے.

انتظامیہ نے اتنی بڑی تعداد میں مریض ملنے سے پریشان نہ ہونے کی اپیل کی ہے. انتظامیہ کا کہنا ہے کہ ان کا زور کرونا پازیٹو افراد کی نشاندہی کرکے انہیں کورنٹائین کرنا ہے تاکہ انفیکشن کی توسیع نہ ہو سکے.

جمعرات کو یہاں پھر ایک ساتھ کافی تعداد میں کورونا مثبت کے کیسز ملنے سے سراسمیگی پھیلنی فطری ہے۔ یہ تمام افراد بیرون ریاست سے واپس لوٹ کر بارہ بنکی آئے ہیں. بتایا جا رہا ہے کہ بارہ بنکی میں بدھ کو 130 افراد کی کورونا رپورٹ مثبت آئی تھی. یہ تمام مریض 22 علاقوں سے ملے ہیں. اس لئے کل 22 کنٹونمنٹ زون بناکر انہیں سیل کر دیا گیا ہے. ان 130 مریضوں میں 46 مریض ایسے ہیں. جو قبل میں آئے 6 مریضوں کے رابطے میں آ کر کو رونا وائرس کے مضر اثرات سے مثبت پا ئے گئے ہیں۔

انتظامیہ کی پہلی کوشش یہی ہے کہ کورونا سے مثبت مریضوں کی شناخت کر کے انفیکشن کے پھیلاؤ کو روکا جا سکے ۔ اس کے لئے انتظامیہ کا زور کثیر تعداد میں ٹیسٹ کرانے پر ہے.

انتظامیہ نے عوام سے اپیل کی ہے کہ وہ مریضوں کی تعداد سے پریشان نہ ہوں. یہاں مریضوں کی تعداد اہمیت نہیں رکھتا ہے. اہمیت اس کے اثرات کو روکنے کی ہے ۔جس کے لئے کوششں جاری ہیں۔

اس کے علاوہ جن علاقوں میں یہ مریض ملے ہیں وہاں ان کے اہل خانہ کے ساتھ لوگ بداخلاقی سے سے پیش نہ آئیں اور نظم نسق نہ بگڑے اس کے لئے پولیس نے نگرانی کمیٹیوں کو مستعد کر دیا ہے.