یوپی کو پولیس اسٹیٹ بنا رہی ہے ریاستی حکومت: رام کرن نرمل

سماجوادی پارٹی لوہیا واہنی کے ریاستی صدر رام کرن نرمل نے ریاست کی بی جے پی حکومت پر شدید نکتہ چینی کی۔ انہوں نے الزام لگایا ہے کہ بی جے پی حکومت یوپی کو پولیس اسٹیٹ بنا رہی ہے۔

رام کرن نرمل بارہ بنکی میں نامہ نگاروں سے گفتگو کرتے ہوئے کہا کہ یہاں ٹھوکو پالیسی کے تحت بے قصور لوگوں کا قتل کیا جا رہا ہے۔ انہوں نے واضح طور پر کہا کہ ریاست کے پسماندہ اور اقلیتی طبقوں کے ساتھ زیادتی کی جا رہی ہے۔

رام کرن نرمل نے کہا کہ بی جے پی حکومت نے اپنی چار برس کی مدت کے دوران ایک بھی ترقیاتی کام نہیں کیا ہے۔ انہوں نے ریاستی حکومت کو تمام محاذ پر ناکام قرار دیا۔

انہوں نے کہا کہ بی جے پی حکومت میں جرائم میں مسلسل اضافہ ہو رہا ہے۔ نرمل نے کہا کہ یہاں جو احتجاج کرتا ہے اس کے خلاف سنگین دفعات میں مقدمے درج کئے جاتے ہیں۔

بی جے پی حکومت کی پالیسی ہی آپس میں تفریق ڈالنا ہے۔ انہیں تمام مسائل انہوں نے لوہیا واہنی کارکنان کو آگاہ کیا اور ان سے بی جے پی حکومت کے خلاف جدوجہد کرنے کی اپیل کی ہے تاکہ ان مسائل پر عوام کو بیدار کیا جا سکے۔