بارہ بنکی : بھارتیہ کسان مہا سبھا کا احتجاج

زرعی قوانین کے خلاف کسانوں نے گذشتہ کل بھارت بند منایا تھا ۔ ملک کے مختلف ریاستوں کے متعدد اضلاع میں کسانوں کی جانب سے مرکزی حکو مت کے خلاف احتجاج کیا گیا ۔بارہ بنکی میں بھی کسا نوں نے حکومت کے خلاف احتجاج کیا۔

ریاست اتر پردیش کے بارہ بنکی میں 27 ستمر کو بھارتیہ کمیونسٹ پارٹی کی کسان تنظیم آل انڈیا کسان سبھا نے کسانوں کی حمایت میں مارچ نکالا. آل انڈیا کسان سبھا کو ضلع مجسٹریٹ کے دفتر میں میمورنڈم دینا تھا، لیکن پولیس اہلکاروں نے انہیں وہاں جانے نہیں دیا. اس سے ناراض آل انڈیا کسان سبھا کے کارکنان بغیر میمورنڈم دئے ہی واپس لوٹ گئے-

واضح رہے کہ آل انڈیا کسان سبھا نے کسانوں کے ذریعہ بلائے گئے بھارت بند کے پیش نظر چھایا چوراہے واقع اپنے دفتر سے مارچ نکالا جو پولیس لائین چوراہے، پرانے بس اسٹاپ پٹیل تراہا ہوتے ہوئے کلکٹریٹ کے گیٹ پر پہونچا. یہاں پولیس اہلکاروں نے انہیں ضلع مجسٹریٹ دفتر جانے سے روک دیا اور مجسٹریٹ کو بلا کر میمورنڈم دینے کی بات کہی۔

اس دوران آل انڈیا کسان سبھا نے حکومت کے خلاف نعرہ بازی کی

مجسٹریٹ کے آنے پر آل انڈیا کسان سبھا کے کارکنان نے ان سے اندر جانے کی اجازت طلب کی۔لیکن مجسٹریٹ نے وہیں میمورنڈم پیش کرنے کے لئے کہا ۔اس سے ناراض ہو کر تمام کارکنان بغیر میمورنڈم دیئے ہی واپس چلے گئے۔

اس مارچ کی قیادت کر رہے رندھیر سنگھ سمن نے کہا میمورنڈم نہ لےکر انتظامیہ حکومت کو گمراہ کر رہا ہے. اس دوران انہوں مرکزی حکومت پر بھی تنقید کی۔