بارہ بنکی: لاوارث کار سے شراب بر آمد

بارہ بنکی کے رام سنیہی گھاٹ تھانہ حلقے سے پولس نے ایک لاوارث کار سے 2 لاکھ روپے کی غیر قانونی شراب برآمد کی ہے۔

پولس کے مطابق یہ شراب ہریانہ سے بہار لے جائی جا رہی تھی، لاوارث کار سے گاؤں کے لوگ شراب نکال کر لے بھی جا رہے تھے، جنہیں پولیس نے شراب نہ پینے کا اعلان بھی کیا۔

پولس کی جانب سے جاری کردی پریس نوٹ کے مطابق 'رام سنیہی گھاٹ کوتوالی انچارج کو اطلاع ملی کہ محمد پور چوراہے سے امبر پور جانے والی سڑک پر ایک لاورث ماروتی کار سے گاؤں کے لوگ شراب نکال کر لے جا رہے ہیں۔

پولیس فوراً موقع پر پہنچی اور لاواراث کار کا معائنہ کیا جس میں سے انگریزی شراب کی بوتلیں برآمد ہوئیں۔

گاڑی کا اگلا پہیہ بھی غائب تھا، پولس نے موقع پر اعلان کرایا کہ جو لوگ شراب نکال کر لے گئے وہ اسے نا پئیں کیوں یہ زہریلی شراب بھی ہو سکتی ہے۔

فی الحال پولیس نے موقع سے 1066 بوتل شراب برآمد کیا ہے۔