پیس پارٹی کے کارکنان نے ریاستی جنرل سکریٹری دشینت سنگھ چندیل اور ضلع انچارج ظفر انصاری کی قیادت میں احتجاج کیا اور ضلع انتظامیہ کو میمورنڈم دیا۔
پیس پارٹی کے کارکنان کا الزام ہے کہ بی جے پی حکومت حزب اختلاف کے رہنماؤں کو سیاسی رنجش میں جیل بھیج رہی ہے۔
پیس پارٹی کارکنان ڈی ایم دفتر پہنچے اور یہاں اعظم خان، ڈاکٹر کفیل خان سمیت جیل میں بند تمام بے گناہوں کی رہائی کے لیے نعرے لگائے اور انہیں رہا کرنے کا مطالبہ کیا۔
پیس پارٹی کارکنان کا الزام ہے کہ جب سے بی جے پی حکومت اقتدار میں آئی ہے۔ تب سے اپوزیشن کی آواز دباکر جمہوریت کا گلا گھونٹنے کی کوشش کر رہی ہے۔ اپوزیشن کے رہنماؤں پر فرضی مقدمے درج کیے جا رہے ہیں اور انہیں سیاسی دشمنی میں جیل بھیجا جا رہا ہے۔
پیس پارٹی کے مئو کے صدر منور علی، رامپور کے رکن پارلیمان اعظم خان اور ان کا کنبہ، ڈاکٹر کفیل اور اے ایم یو کے طالب علم عثمانی حکومت کے خلاف آواز اٹھانے کی وجہ سے جیل میں ہیں۔ پیس پارٹی کا مطالبہ ہے کہ ان بے گناہوں سے مقدمے ہٹا کر انہیں رہا کیا جائے۔ پیس پارٹی نے انتباہ کیا ہے کہ اگر یہ نہیں ہوتا ہے تو پیس پارٹی بڑے پیمانے پر احتجاج کرے گی۔