بارہ بنکی: پانچ کروڑ 76 لاکھ کی اسکیمز کا افتتاح

اتر پردیش کے بارہ بنکی میں بدھ کو پرائمری (ابتدائی) اسکولوں کے لئے 5 کروڑ 76 لاکھ کی اسکیمز کا افتتاح کیا گیا۔ ضلع کے وزیر انچارج دارا سنگھ چوہان نے ان تمام اسکیموں کا افتتاح کیا۔ اس موقع پر انہوں نے محکمہ ثانوی تعلیم کی ضلع سطح کی دو روزہ سائنسی نمائش کا افتتاح بھی کیا۔

شہر کے جی آئی سی آڈیٹوریم میں مختلف اسکیمز کے لیے افتتاحی تقریب کا انعقاد کیا گیا۔ پروگرام میں رنگا رنگی ثقافتی پروگرام بھی پیش کئے گئے۔ وزیر انچارج دارا سنگھ چوہان کے ذریعہ جن اسکیمات کا افتتاح کیا گیا ہے، ان میں 'سمگر شکشا ابھیان' کے تحت ضلع کے بیسک اور ہائیر سیکنڈری اسکولوں میں 41 اضافی کمروں کی تعمیر کرائی جائے گی۔

اس کے علاوہ 23 پرائمری اور 3 ہائیر سکینڈری اسکولوں کی تعمیر نو کرائی جائے گی۔

افتتاح کے بعد وزیر انچارج نے محکمہ ثانوی تعلیم کی ضلع سطح کی دو روزہ سائنسی نمائش کا افتتاح کیا۔

انہوں نے تمام طلبہ کے ماڈلس کا معائنہ کیا۔ اس دوران دارا سنگھ طلبہ کے ہنر کو دیکھ کر حیران رہ گئے۔

انہوں نے امید ظاہر کی کہ جس طرح حکومت شعبہ تعلیم میں کام کر رہی ہے، اس سے اب کوئی بھی بچہ تعلیم سے محروم نہیں رہ سکے گا۔