بارہ بنکی: گیارہویں نیشنل انڈور فیلڈ آرچری مقابلہ کا 12 نومبر سے آغاز

بارہ بنکی میں گیارہویں نیشنل فیلڈ آرچری (تیر اندازی) مقابلہ کا آغاز 12 نومبر سے ہوگا جو 14 نومبر تک جری رہے گا۔ اس مقابلے میں ملک کے متعدد ریاستوں سے 800 سو زائد نشانے باز شرکت کریں گے۔

ریاست اترپردیش کے ضلع بارہ بنکی میں 12 نومبر سے 11 ویں نیشنل فیلڈ انڈور آرچری مقابلہ کا آغاز ہونے جارہا ہے۔ یہ مقابلہ دوروز پر مشتمل ہوگا۔مقابلہ بارہ بنکی کے حیدرگڑھ واقع گرامانچل ڈگری کالج میں چودہ نومبر تک جاری رہے گا۔

اس مقابلے میں ملک کی متعدد ریاستوں سے 800 سے زیادہ نشانے باز شرکت کریں گے۔ آرچری مقابلہ میں دیہی علاقوں کے نوجوانوں کی دلچسپی بڑھے اس کے لئے یہ مقابلہ دیہی علاقہ میں ہی کرایا جا رہا ہے۔ مقابلہ کے کنوینرس نے عوام سے اپیل کی ہے کہ وہ نشانے بازوں کی حوصلہ افزائی اور ملک کے اس ثقافتی کھیل کے فروغ کے لئے مقابلے دیکھنے ضرور پہونچیں

فیلڈ آرچری ایسوسی ایشن آف انڈیا کے جنرل سکریٹری سبھاش چندر نائیر نے بتایا کہ ملک میں آرچری کی توسیع تیزی سے ہو رہی ہے. آرچری میں نشانے باز بہت سے طمغے جیت کر لا رہے ہیں۔

انہوں کہا کہ آرچری بھارتی ثقافت کا کھیل ہے۔ دیہی علاقوں میں اس کھیل کی تئیں عوام بیدار ہو اس کے لئے یہ مقابلہ دیہی علاقہ میں کرایا جا رہا ہے۔انڈور فیلڈ آرچری آف اتر پردیش کے صدر سدھارتھ اوستھی نے کہا کہ نشانے بازی ہماری ثقافت کا حصہ تھی، لیکن اس کا فائدہ مشرقی ثقافت کے لوگ اٹھا رہے ہیں۔ اس لئے ملک کے عوام کو اس ثقافت سے اوڑنے کے لئے مقابلہ کا انعقاد کرایاجارہا ہے۔

انہوں عوام سے اپیل کی کہ وہ زیادہ سے زیادہ تعداد میں مقابلے دیکھنے ضرور پہونچیں۔