پی ایف اسکام: برقی ملازمین کا احتجاج جاری

ریاست اترپردیش کے بارہ بنکی میں محکمہ برقی کے ملازمین کا اعلیٰ حکام کے کی جانب سے پی ایف کی رقم کو ایک کمپنی میں مشغول کرنے کے خلاف احتجاج جاری ہے۔

ملازمین کا احتجاج آج پانچویں دن میں داخل ہوگیا جبکہ ملازمین نے اس سلسلہ میں جی او جاری کرنے کا حکومت سے مطالبہ کیا ہے۔

دوسری جانب احتجاج کی وجہ سے صارفین کو مشکلات کا سامنا کرنا پڑ رہا ہے۔

گھوسیانہ میں واقع ایس ڈی او دفتر میں آج ضلع کے ملازمین و عہدیداروں نے پی ایف گھپلے کے خلاف شدید احتجاج کیا۔

ملازمین نے پی ایف گھپلے کےلیے حکومت کو راست طور پر ذمہ دار قرار دیا اور رقم واپس ہونے تک احتجاج کو جاری رکھنے کا عزم کیا ہے۔