Rain Basera: بارہ بنکی ڈی ایم نے رین بسیروں کا ہنگامی دورہ کیا

سردی سے غریب عوام کو بچانے کے لیے اتر پردیش میں رین بسیرے بنا لئے گئے ہیں تاکہ کڑاکے کی سرد سے غریب عوام کو راحت پہنچائی جا سکے۔ اس سلسلے میں بارہ بنکی کے ڈی ایم Barabanki DM نے رین بسیروں کا ہنگامی جائزہ لیا۔

ریاست اتر پردیش میں غریب اور بے سہارا عوام کو سرد لہر Cold Wave in Uttar Pradesh سے محفوظ رکھنے کے لیے انتظامیہ نے ابھی سے ہی تیاریاں شروع کر دی ہیں۔ اس کے لیے انتظامیہ مکمل طور سے مستعد نظر آ رہا ہے۔ اسی کے پیش نظر ضلع مجسٹریٹ ڈاکٹر آدرش سنگھ نے رین بسیروں کا اچانک جائزہ لیا۔

قابل غور ہو کہ ابھی بھلے ہی سرد لہر شباب پر نہ ہو لیکن انتظامیہ نے غریب بے سہارا عوام کو اس سے محفوظ رکھنے کے لیے تمام رین بسیرے بنا لئے ہیں۔

ان تمام رین بسیروں میں انتظامات کی صورتحال Situation of Arrangements in Rain Basera کیا ہے اس کا ضلع مجسٹریٹ ڈاکٹر آدرش سنگھ نے اچانک دورہ کر کے جائزہ لیا۔

انہوں نے بتایا کہ موسم سرما کا آغاز ہو چکا ہے۔ عوام کو اس سے محفوظ رکھنا حکومت کا ترجیحی ایجنڈا ہے۔ اس لیے انتظامیہ نے ہر برس طئے شدہ جگہ پر لگنے والے رین بسیرے تیار کر لیے ہیں۔

ڈاکٹر آدرش سنگھ نے کہا کہ 'یہاں جو انتظامات کئے گئے ہیں وہ بہتر ہیں لیکن ابھی بھی اس میں سدھار کی ضرورت ہے چونکہ یہ ہنگامی جائزہ ہے اس لیے ابھی کسی کو علم نہیں ہے۔

انہوں نے کہا کہ 'میں تمام متعلقہ محکموں کو ہدایت دوں گا کہ وہ یہاں انتظامات درست کریں تاکہ کوئی بھی شخص سردی میں پریشان نہ ہو۔