ریاست اترپردیش کے ضلع بارہ بنکی میں منگل کی صبح پولیس اور بدمعاشوں کے درمیان ہوئے تصادم میں پولیس نے ایک گئو کش کو گرفتار کیا ہے۔ جبکہ اس کے دو ساتھی فرار ہو گئے ہیں۔ موقع پر فرار بدمعاشوں کی تلاش جاری ہے۔ تصادم کے بعد ایک کار، تمنچہ اور گئوکشی کے اوزار برآمد کئے گئے ہیں۔
بارہ بنکی: پولیس تصادم میں مویشی تسکر گرفتار
پولیس سپریٹینڈنٹ یمنا پرساد کے مطابق صفدرگنج تھانہ حلقے کے مشکی نگر کراسنگ کے پاس پولیس کو کچھ بدمعاشوں کی اطلاع ملی تھی۔ پولیس وہاں پہونچ کر چیکنگ کر رہی تھی کہ اسی درمیان ایک سینٹرو کار سے آ رہے بدمعاشوں نے پولیس پر فائرنگ کر دی۔ پولیس کی جوابی کارروائی میں ایک بدمعاش کے پیر میں گولی لگی، جبکہ اس کے دو ساتھی موقع سے فرار ہو گئے۔