بارہ بنکی: پنچایتی انتخابات کے لئے بی جے پی کی تیاری

اتر پردیش کے بارہ بنکی میں پنچایتی انتخابات کے لئے بی جے پی نے تیاریاں شروع کردی ہیں۔ بی جے پی کا ہدف پنچایتی انتخابات میں زیادہ زیادہ اپنے نمائندوں کو جیت دلانا ہے۔ بی جے پی نے پنچایتی انتخابات کی منصوبہ بندی کے لیے ضلع دفتر پر کور کمیٹی کی میٹنگ منعقد کی۔

کور کمیٹی کی صدارت بی جے پی کے ریاستی انچارج اور سابق مرکزی وزیر رادھا موہن سنگھ نے کی.

میٹنگ میں بی جے پی کارکنان کو پنچایتی انتخابات کی تیاریوں اور امیدواروں کے حق میں عوام سے ووٹ کے حصول سمیت دیگر کئی اہم امور پر تبادلہ خیال کیاگیا

تقریباً چار گھنٹوں تک چلی اس میٹنگ میں بی جے پی کارکنان کے درمیان پنچائیتی انتخابات سے قبل تیاریوں پر بات چیت ہوئی۔ اسکے کے لئے تمام عہدیداروں نے اپنے اپنے مشوروں سے کارکنان کو آگاہ کیا ۔

اس میٹنگ میں ضلع کے تمام ارکان اسمبلی اور رکن پارلیمان بھی موجود رہے. میٹنگ کے بعد ریاستی بی جے پی کے انچارج رادھا موہن سنگھ نے کہا کہ ان ہدف اتر پردیش کے گاؤں کو وزیر اعظم نریندر مودی خوابوں کا گاؤں بنانا ہے۔ انہوں نے کہا کہ بی جے کی یہ کوشش ہے کہ پنچایتی انتخابات میں اچھے امیدورں کا انتخاب کیا جائے۔