بارہ بنکی: مسجد انہدام معاملے پر آزاد سماج پارٹی کا میمورنڈم

آزاد سماج پارٹی کے ضلع صدر ہری نندن گوتم نے مسجد کو منہدم کرانے کی کارروائی کو غیر قانونی بتایا۔ انہوں نے کہا کہ کورونا کے دور میں حکومتی بدنظمی سے عوام کا ذہن ہٹانے کے لیے یہ کارروائی کی گئی ہے۔

اتر پردیش کے بارہ بنکی ضلع کی تحصیل رام سنیہی گھاٹ کے احاطے میں واقع مسجد قدیمی کو مسمار کئے جانے والے معاملے کے حوالے سے آج آزاد سماج پارٹی نے اے ڈی ایم کو صدر جمہوریہ کے نام ایک میمورنڈم دیا۔ آزاد سماج پارٹی نے معاملے کی تحقیقات کر قصوروں پر سخت کارروائی اور مسجد کی نو تعمیر کرانے کا مطالبہ کیا ہے۔

آزاد سماج پارٹی کے ضلع صدر ہری نندن گوتم نے مسجد کو منہدم کرانے کی کارروائی کو غیر قانونی بتایا۔ انہوں نے کہا کہ کورونا کے دور میں حکومتی بدنظمی سے عوام کا ذہن ہٹانے کے لئے یہ کارروائی کی گئی ہے۔

انہوں نے کہا کہ انہوں نے خود کروڑوں کی زمین پر ہو رہے غیر قانونی قبضوں کی شکایت کی ہے، لیکن وہاں پر کاروائی کرنے کے بجائے مذہبی عبادت گاہ کو مسمار کر دیا گیا تاکہ سماج میں مذہبی تفریق کو فروغ دیا جا سکے۔

انہوں نے کہا کہ جس طبقے کو آج اچھی تعلیم، روزگار اور بہتر طبی خدمات کی ضرورت ہے. اسے مذہبی تفریق میں الجھایا جا رہا ہے. انہوں نے کہا کہ مسجد کا معاملہ پہلے وقف بورڈ سے حل ہونا چاہیے تھا۔ انہوں نے مکمل معاملے کی اعلیٰ سطحی جانچ کرائے جانے کا مطالبہ کیا۔