بارہ بنکی: انتظامیہ احتجاج کرنے سے روک رہا ہے، کسانوں کا الزام

بھارتیہ کسان یونین (ٹکیت) کے سینیئر نائب صدر رام کشور پٹیل کے مطابق کسان تنظیموں کے رہنماؤں کو صبح سے ہی نظر بند کرنے کی کوشش کی گئی. لیکن افسران سے گفت و شنید کے بعد وہ ریلوے اسٹیشن جانے کے لئے نکلے تھے. لیکن اسٹیشن سے قبل بیریکیٹنگ لگاکر روک دیا گیا۔

ریاست اتر پردیش کے ضلع لکھیم پور میں پیش آئے پرتشدد واقعات کے خلاف سوموار کو متحدہ کسان سنگھرش کمیٹی کی جانب سے ریل روک کر احتجاج کرنے کی اپیل پر بارہ بنکی کی کسان تنظیم کے عہدیداران اور کارکنان ریلوے اسٹیشن جانے کی کوشش کی لیکن پولیس نے انہیں بیریکیٹنگ لگاکر روک دیا۔ کسان تنظیموں نے انتظامیہ کی اس کارروائی کے خلاف نعرہ بازی کی۔

بھارتیہ کسان یونین (ٹکیت) کے سینیئر نائب صدر رام کشور پٹیل کے مطابق کسان تنظیموں کے رہنماؤں کو صبح سے ہی نظر بند کرنے کی کوشش کی گئی۔ لیکن افسران سے گفت و شنید کے بعد وہ ریلوے اسٹیشن جانے کے لئے نکلے تھے. لیکن اسٹیشن کے قبل بیریکیٹنگ لگاکر روک دیا۔

انہوں نے مزید کہا کہ ہنیں جمہوری حقوق کے لحاظ سے احتجاج بھی نہیں کرنے دیا جارہا ہے۔

انہوں نے کہا کہ وہ اسٹیشن جاکر ریل روک کر مسافروں کو ناشتہ کرانا چاہتے تھے. تاکہ وہ کسانوں کی پریشانیوں سمجھ سکیں۔ لیکن انتظامیہ نے انہیں روک دیا۔

اس دوران کسان رہنماؤں نے حکومت کے خلاف نعرہ بازی کی اور حکومت کو انتباہ دیا کہ جب تک لکھیم پور تشدد کے ملزمین کے خلاف سخت کارروائی نہیں کی جاتی ہے اس وقت تک ان کا احتجاج جاری رہے گا۔