بارہ بنکی: مزدوروں کو کھانا تقسیم کرنے کے لیے سفر

ریاست اترپردیش کے بارہ بنکی کی بیلہرہ نگر پنچایت کے چئیرمین ایاز خان نے بدھ کو اپنے علاقے سے 50 کلومیٹر دورآ کر لکھنو گورکھپور شاہراہ پر مہاجر یومیہ مزدوروں کو کھانے پینے کی اشیا تقسیم کیں۔ اس دوران روزہ دار مسافروں کے لئے خاص طور پر کھجور اور پانی تقسیم کیا۔

بیلہرہ نگر پنچایت کے چیئرمین ایاز خان نے بتایا کہ جب سے لاک ڈاؤن کا نفاذ ہوا ہے۔ اس وقت سے وہ اپنی نگر پنچایت میں مسلسل کھانا تقسیم کر رہے ہیں۔

شاہراہ پر آ کر کھانے پینے کی اشیا تقسیم کرنے کا فیصلہ انہوں نے اس لئے کیا کیونکہ یہاں دور دراز سے مسافر بھوکے اور پیاسے آتے ہیں۔

دوران سفر ان کو کھانے پینے کی کوئی پریشانی نہ ہو اس لئے وہ یہ کام کر رہے ہیں۔

انہوں نے کہا کہ انسانیت کی خدمت کرنا اسلام کا اہم فریضہ ہے۔ اس لئے وہ اس کام کو انجام دے رہے ہیں۔