بینڈ باجا والوں نے ڈی ایم کو میمورینڈم پیش کیا

ریاست اتر پردیش کے شہر مرادآباد ڈی ایم دفتر پہنچ کر بینڈ باجا ویلفیئر ایسوسیئشن سے منسلک لوگوں نے اجتماعی طور پر ڈی ایم راکیش کمار کو ایک میمورینڈم پیش کر کے پولیس کی جانب سے انہیں پریشان کئے جانے پر روک لگانے کا مطالبہ کیا ہے۔

ان کا کہنا ہے کہ بینڈ باجا بجا کر اپنا گزر بسر کرنے والے غریب لوگ جب شادیوں اور دیگر تقاریب سے واپس لوٹتے ہیں تو کبھی کبھی انہیں واپس لوٹنے میں تاخیر ہو جاتی ہے اور پولیس انتظامیہ ان کو پریشان کرتا ہے لہذا ہماری مانگ ہے کہ بینڈ باجا بجانے والوں کو واپس لوٹنے پر پریشان نہ کیا جائے۔

انہوں نے مزید مطالبہ کیا کہ پچھلے مہینوں میں لگے لوگ ڈاؤن کی وجہ سے بینڈ باجا بجانے والے لوگ بے روزگاری کا شکار ہیں اور ان کی حالت بھوک مری تک جا پہنچی ہے، لہذا ضلع انتظامیہ سے ہماری مانگ ہے کی ہمیں کام کرنے دیا جائےشادیوں میں بینڈ باجا بجا کر رات کو واپس آنے پر ہماری بمارے ڈریس کوڈ کی بنیاد پر ضلع پولیس انتظامیہ یہ ہدایت جاری کرے کہ ہمیں پریشان نہ کیا جائے۔اگر ہم کام نہیں کریں گے تو اب حالات بد سے بدتر ہو جائیں گے۔ بے روزگاری کی وجہ سے بچوں کے اسکول کی فیس جمع نہیں ہو پا رہی ہے آج بینڈ باجا بجانے والے بے روزگاری کا شکار ہو گئے ہیں۔