شہر قاضی غلام یاسین نے میمورنڈم میں کہا ہے کہ رمضان المبارک کے مقدس مہینے میں لاک ڈاؤن پر عمل کرتے ہوئے سبھی مسلمان اپنے گھروں میں عبادات انجام دے رہے ہیں لیکن اجتماعی طور پر دعا خوانی نہیں ہو پا رہی ہے۔
غلام یاسین نے یہ بھی کہا کہ مذہب اسلام کے مطابق کسی بھی وبائی مرض کے مریض کو مسجد و عیدگاہ میں نماز پڑھنے کی اجازت نہیں ہے جس سے وبائی مرض کسی دوسرے تک پھیل جائے۔
انہوں نے کہا کہ رمضان المبارک کے آخری جمعہ یعنی جمعتہ الوداع و عید الفطر کی نماز ایک خاص نماز ہے جس میں خاص طور پر پر مسلمان جمع ہو کر دعا کرتے ہیں اور نماز ادا کرتے ہیں۔
شہر قاضی کا مزید کہنا ہے کہ ایسی صورت میں اہل سنت (بریلوی) کے متفقہ رائے کے مطابق مذکورہ بالا باتیں حکومت کے سامنے پیش کرتے ہیں اور گذارش کرتے ہیں کہ رمضان المبارک کے آخری جمعہ یعنی الوداع کی نماز عید الفطر کی نماز مسجد و عیدگاہ میں پڑھنے کی اجازت دی جائے جس میں ملک بھر میں قہر برپا دینے والے وبائی مرض کورونا وائرس کے خطرات سے نجات کی دعا مانگی جاسکے۔
