ایم آر کے دوا سپلائی کرنے پر پابندی عائد

لاک ڈاؤن کی ابتداء سے ہی اپنی خدمات انجام دینے والا سیکٹر میڈیکل فیلڈ کا ہے، لیکن اب حالات قابل تشویش ہیں۔ اس ضمن میں میڈیکل اسٹورز ایسوسی ایشن مئو نے میڈیکل ریپریزنٹیٹیو یعنی ایم آر کے دکانوں پر دوا سپلائی کرنے پر پابندی عائد کردی ہے۔

ایسوسی ایشن کے مطابق دوا کی دکانوں پر کسٹمر کی بھیڑ تو رہتی ہی ہے، ایسے میں مختلف دوا کمپنیوں کے ایم آر آکر اس میں اور اضافہ کر دیتے ہیں۔ یہ حالات کورونا وائرس کے خطرے میں اضافہ کر رہے ہیں۔

لاک ڈاؤن میں میڈیکل اسٹورز کو کھولنے کی خصوصی اجازت دی گئی ہے۔ دوا دکانداروں نے طے کیا ہے کہ اب وہ آن لائن آرڈر جاری کریں گے۔

ان کا کہنا ہے کہ ایم آر کے میڈیکل اسٹورز پر آنے سے سوشل ڈسٹینسنگ کی ہدایت پر عمل درآمد میں مشکل پیش آرہی ہے۔

میڈیکل اسٹور

اپنے فیصلے سے میڈیکل اسٹورز ایسوسی ایشن نے دوا کمپنیوں کو واقف کرادیا ہے۔ دوا کمپنیاں بھی ایسوسی ایشن کے فیصلے سے متفق ہیں۔