مظفر نگر: بہوجن مکتی پارٹی کا صدر کے نام میمورنڈم

بہوجن مکتی پارٹی نے ریاست میں امن و امان قائم کرنے کے لئے مظفر نگر ضلع مجسٹریٹ کو صدر کے نام ایک میمورنڈم پیش کیا۔

ریاست اترپردیش کے ضلع مظفر نگر میں ریاست اور ملک میں امن وامان قائم کرنے لے لئے 'بہوجن مکتی پارٹی' کے جانب سے ضلع انتظامیہ کو صدر کے نام ایک میمورنڈم پیش کیا گیا ۔

اس دوران پارٹی کے قومی جنرل سکریٹری محمد کامل نے کہا کہ 'اس وقت ریاست میں غنڈا راج چل رہا ہے لوگوں کی حفاظت کرنے والی پولیس خود محفوظ نہیں ہے تو عوام کیسے محفوظ ہو سکتی ہے۔

ریاست میں عصمت دری ، آتشزدگی اور قتل جیسے واقعات کا سلسلہ عروج پر ہے۔ بی جے پی اقتدار میں آنے سے پہلے خواتین کے تحفظ کی بات کرتی تھی لیکن آج خواتین پر ظلم بڑھ گئے ہیں۔

انہوں نے کہا کہ 'ہمارے افواج سرحد پر شہید ہو رہے ہیں پولیس اہلکار ملک میں لیکن مرکزی حکومت اور ریاستی حکومت سوئی ہوئی ہے ۔