بارہ بنکی : سی اے اے، این آر سی اور این پی آر کے خلاف احتجاج

ریاست اتر پردیش کے بارہ بنکی سمیت تمام تحصیلوں میں بدھ کو سماجی تنظیم بہوجن کرانتی مورچہ کے کارکنان نے سی اے اے ، این آر سی این پی آر اور ای وی ایم کے خلاف احتجاج کیا۔

اس دوران مورچے کے کارکنان نے ان تمام موضوعات کے خلاف مزید نعرہ بازی کی۔ مورچے نے واضح کر دیا ہے کہ این پی آر کے دوران بھی کسی قسم کے دستاویز مہیہ نہیں کرائیں گے۔ ان کا مطالبہ کہ اس دفعہ بھی مردم شماری پرانی روایت کے مطابق ہونی چاہئے۔

بارہ بنکی کے گنا دفتر کے احاطے میں ہو رہے احتجاج میں بہوجن کرانتی مورچہ کے کارکنان نے صدر جمہوریہ کو مخاطب 20 نکاتی میمورنڈم بھی ضلع انتظامیہ کے ذریعہ بھیجا ہے۔

بہوجن کرانتی مورچہ کے کارکنان نے بتایا کہ انہوں نے این پی آر کی مخالفت کے لئے انہوں نے محلہ کمیٹیوں کی تشکیل کی ہے۔ جو محلے محلے عوام کو بیدار کرے گی۔

مورچہ نے خدشہ ظاہر کیا ہے کہ اب تک جاری کئے گئے شناختی دستاویز میں نام کی اسپیلنگ ٹھیک نہیں ہے۔ اس کو لیکر بھی انہیں شک کے گھیرے میں رکھا جا سکتا ہے۔ اسلئے وہ کوئی دستاویز مہیہ نہیں کرائیں گے۔