بہرائچ: کانگریس کارکنان کا دانڈی مارچ

ریاست اتر پردیش کے شہر بہرائچ میں کانگریس کارکنان کی جانب سے دانڈی مارچ کا آغاز قصبہ نانپارہ کے گاندھی پارک سے شروع ہوا تھا۔

مہاتما گاندھی کی دانڈی مارچ کی 90 ویں سالگرہ کے موقع پر کانگریس رہنما ونئے سنگھ کی سربراہی میں گاندھی پارک نانپارہ سے فوجی میموریل بابا گنج تک مارچ کرکے گاندھی جی کو خراج عقیدت پیش کیا گیا۔

اس موقع پر ونئے سنگھ نے کہا کہ 'جس طرح گاندھی جی نے اپنے 78 ساتھیوں کے ساتھ دانڈی مارچ شروع کی تھی آج ہم انہیں کے نقشے قدم پر چلتے ہوئے دانڈی مارچ کے نام سے یہ سفر کر رہے ہیں۔

انہوں نے کہا کہ 'میرا یہ سفر موجودہ حکومت کی غلط پالیسیوں کے خلاف ہے۔

اس دانڈی مارچ میں بلاک صدر رام دین گوتم، برجیش پانڈے، عظمت علی، منو دیوی، بشیر احمد، عبدالقدوس، شفیق قریشی، کرشنا گوپال، بھولا قریشی، محمد صابر اور بدری سنگھ کے علاوہ دیگر لوگ شامل تھے۔